Kári er klassísk loðhúfa í flugmannastíl. Hún skartar fögru og glansandi kanínuskinni sem er bæði fáanlegt í náttúrulegum litum eða litað. Fliparnir staðsettir yfir eyrun sínhvoru megin á húfunni eru gæddir þeim eiginleikum að þegar þeir eru festir upp kemur í ljós örlítið loftgat sem auðveldar eiganda að heyra hvað fer fram í kringum hann. Flipinn veitir þó fullkomna einangrun gegn veðri og vindum þegar hann er fastur niður.
Kanínuskinn er náttúrulegt hráefni sem hreinsar sig sjálft ef hann er viðraður. Vöruna skal nota reglulega, og viðra í vindi af og til. Forðist beint sólarljós, þar sem skinnið getur upplitast. Geymið í köldu, loftræstu rými. Burstið hárin reglulega til að halda þeim mjúkum og fallegum.
